ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

សម្ដេចធិបតី៖ ការអប់រំនៅសាលា និងនៅផ្ទះ គឺជាកត្តាសំខាន់ដើម្បីជួយលុបបំបាត់ឥទ្ធិពលពីសង្គមខាងក្រៅ

  • ចុះផ្សាយថ្ងៃទី០២ ខែមេសា ឆ្នាំ២០២៤ ម៉ោង ១៨:១២ នាទី ដោយ EAC News
  • 2099
  Aa |   aA

ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានលើកឡើងថា ឪពុកម្តាយ និងសិស្សជាតួអង្គក្នុងការអប់រំ ហើយការអប់រំនៅសាលា និងនៅផ្ទះ គឺជាកត្តាសំខាន់ដើម្បីជួយលុបបំបាត់ឥទ្ធិពលពីសង្គមខាងក្រៅ។

សម្តេចធិបតីថ្លែងដូចនេះក្នុងពិធីបិទសន្និបាតបូកសរុបការងារអប់រំ យុវជន និងកីឡាឆ្នាំ២០២២~២០២៣ និងលើកទិសដៅការងារឆ្នាំសិក្សា២០២៤ ក្រោមប្រធានបទ«ឧត្ដមានុវត្តន៍នៃកំណែទម្រង់គ្រឹះស្ថានសិក្សា» នារសៀលថ្ងៃអង្គារ ទី០២ មេសា ឆ្នាំ២០២៤។

សម្តេចធិបតីបានឱ្យដឹងថា៖«អប់រំមានតែ៣ទេ គឺនៅផ្ទះ នៅសាលា និងនៅសង្គម បើសាលា និងផ្ទះ ឯកភាពពង្រឹងហើយឥទ្ធិពលសង្គមយ៉ាងម៉េចក៏មិនអាចប៉ះពាល់បានដែរ ព្រោះក្នុងសង្គមមានរឿងច្រើនណាស់ដែលយុវជន ជាពិសេសក្មេងៗត្រូវចាប់ថាមួយណាល្អ មួយណាអាក្រក់»។

សម្តេចធិបតីបញ្ជាក់ថា ការអប់រំរបស់ឪពុកម្តាយ និងគ្រូបង្រៀនជាការកំណត់តម្លៃក្នុងខ្លូនរបស់មនុស្ស បើមានតម្លៃច្បាស់លាស់នោះជាការងាយស្រួលក្នុងការអាចបែងចែកខុសត្រូវ។

ជាមួយគ្នានេះ សម្តេចធិបតីក៏បានណែនាំឱ្យបង្កើននូវការប្រទាក់ក្រលាគ្នារវាងឪពុកម្តាយ និងសហគមន៍ ជាមួយសាលារៀន គ្រូបង្រៀន ដែលជាការជោគជ័យក្នុងការអប់រំដែលសម្តេចលើកឡើងថា«ភាពជាដៃគូ រវាងរដ្ឋ និងសហគមន៍ដើម្បីអប់រំ»៕


ព័ត៌មានជាច្រើនទៀតសម្រាប់អ្នក